Saturday, June 20, 2015

וויינטרויבן פאר דער נשמה

אין חלום, אין וועלכן כ’האָב דיך אויסגעפיבערט
האָב אויסגעהויכט דיר, טיף דיר אין די אויגן,
דעם לירישן פלי פון מיין מאָרגן. זיין נאָמען?
זיין נאָמען, כ׳טו גלויבן, איז פּשוט: וויינטרויבן 
פאַר דער נשמה

און כ׳ווייס, דו וועסט גערן מיטפליען אינאיינעם 
אַלץ ווייטער פון שרעק און פון גוואַלד און פון רויבן 
צו שאַפן דעם עיגול אין דער לופט אויסגעשלומט 
ביים קלייבן דערהויבן צוזאַמען – וויינטרויבן 
פאַר דער נשמה

צו קיין גרעסערן אוצר בײַם אויסהויך פֿון רײַפֿקייט
וועט דער גרעסטער בר־מזל זיך ניט דערקלויבן –
מע דאַרף ניט קיין אַנדערע לוין, קיין הסכמה 
רק פליען און לויבן מיט דיר די וויינטרויבן 
פאַר דער נשמה

Top of Form


"טביה שקלאָווער זינגט עס אויס מיט דער מוזיק וואס ער האט געשאַפן צו די "וויינטרויבן


Tuesday, June 02, 2015





אַריבערפאָרנדיק די גרענעץ הינטער טשאָפּ
דערשפּירסט בחוש אַ שטיקל עולם הבא
די ריכטיקע מאָדי
אַרנלאַנד גלייך האָט
מיט שמייכל דיר געשענקט איר ברוך־הבא

און הינטער איז פאַרבליבן פאָרט דער סוד
פון אוקרענלאַנד וואָס ווינקט צו דיר קיריליש
בעת ברייטע פלאַך די אונגערישע האָט
פאַרצויגן גלחות ניגון לעבעדיק סטעריליש

קאַרפּאַטן בערג, כ׳לאָז איבער צווישן אייך
און צווישן שטעטעלעך וואָלינער און פּאַדאָליער –
ביי יעטווידן – אַ צאַפּלדיקן שטיקל פון מיין האַרץ
מיט לעצטע שפּורן פון מיין פאָלקס פאַרשטערטער דאָליע

און וואו דו זאָלסט ניט קערן ווייטער זיין
אויף דער, צי יענער וועלט, וואו זאָלסט זיך ניט געפינען
די דאָליע מיט איר פרייד און רייד, מיט איר געזאַנג און פּיין
מיט אַלעפבייז מיט יידישן זאָל טיף אין דיר טאָן רינען.