דער זעלבער ים
די זעלבע כוואַליעס
רק עפּעס־וואָס אין דיר
ווערט קאַליע
די זעלבע כוואַליעס
רק עפּעס־וואָס אין דיר
ווערט קאַליע
דורך יאָרן
פון אַ לאַנגן וואַנדער
דערשפּירסט:
דו זעסט שוין אויס
גאַנץ אַנדערש
פון אַ לאַנגן וואַנדער
דערשפּירסט:
דו זעסט שוין אויס
גאַנץ אַנדערש
לאוו דווקא ערגער
לאוו דווקא בעסער
מערניט, צעשראַמט
פון צייט אָן מעסער
דיין גאַנג, דיין פּנים...
לאוו דווקא בעסער
מערניט, צעשראַמט
פון צייט אָן מעסער
דיין גאַנג, דיין פּנים...
נאָר וואָס? --
דיין שמייכל
(ווי קאָן מען אָן אים)
טוט גליקלעך גרייכן
ברייט צעשטראַלט --
דיין שמייכל
(ווי קאָן מען אָן אים)
טוט גליקלעך גרייכן
ברייט צעשטראַלט --
צום זעלבן ים
צו זעלבע כוואַליעס
און אינעווייניק
ווערסט ניט קאַליע!
צו זעלבע כוואַליעס
און אינעווייניק
ווערסט ניט קאַליע!
