פאַרמאָגסט אַ קול
און אפשר דריי־פיר פּאָר
געטרייע אויערן
און דאָס איז, דאַכט זיך, גאָר –
דיין גאַנץ פאַרמעג
דיין שטים ווערט שטאַרקער און אויך מילדער
ווען אירע קלאַנגען דויערן
בעת די געבענטשטע טעג
פאַרטרויען זיך דיין הויערן
באַגלייטנדיק און מעסטנדיק דיין וועג
און צאַרטער ווערסט
הגם אין האַרצן בויערן
די שפּיזלעך שאַרפע פון דעם שוואַרצן פלעק –
דעם עק
וואוהין ס'פאַרגייען
אַלע קולות, אַלע ליבע אויערן
אין טיפן ניוועץ
אין דעם אייביקן
אַוועק
ווען אירע קלאַנגען דויערן
בעת די געבענטשטע טעג
פאַרטרויען זיך דיין הויערן
באַגלייטנדיק און מעסטנדיק דיין וועג
און צאַרטער ווערסט
הגם אין האַרצן בויערן
די שפּיזלעך שאַרפע פון דעם שוואַרצן פלעק –
דעם עק
וואוהין ס'פאַרגייען
אַלע קולות, אַלע ליבע אויערן
אין טיפן ניוועץ
אין דעם אייביקן
אַוועק
