די גראַמען

סיי יינגערע

און סיי די שפּעטע

די גראַמען – שיער

שוין אויסגעשעפּטע

און ס'דאַכט צו־מאָל,

אַז זייער שעפּטשען

קער מערער גרילצן

איידער בענטשן

ס'געהער פאַרשפּיצטע

פון אַ מענטשן.

נאָר דאָס, וואָס צווישן זיי,

די גראַמען,

טאָר ניט פאַרזשאַווערן,

פאַרוויאַנען

בעת זיי – סיי יינגערע,

סיי שפּעטע,

סיי די, פאַרשעפּטשעט

אויסגעשעפּטע –

פאַרבינדן

וועלטן, תהומען, ימען,

קיין מינדסטן זעמדל

ניט פאַרזאַמען.