און יונג איז נאָך די ערד
די זון וועט נאָך און נאָך
אַלץ שיינען אָן שום שטער
אין סאַמע ברען פון ליכט
פון לויפן הין און הער
אין שווייס פון דיין געזיכט
דערקען, דערקען, דערקען
דעם גרויסן זכות וואָס דיר
און אַנדערע באַשערט
זיך יאָגן אָן אַ שיעור
נאָך יענעם וואונדער וועג
וואָס לעכצט נאָך דיינע טריט
אין סאַמע ברען פון גאַנג
פאַרליר ניט גלייכגעוויכט
אין ברי פון דעם פאַרלאַנג
דערהער אָן ברעקל באַנג
דעם הייליקן געזאַנג
אין סאַמע ברען פון שפּאַן
וואָס מונטערט אַלץ און וועקט
דערמאָן זיך און דערשמעק
דעם ריינעם פייער־פלאַם
וואָס הייס און דאָרשטיק רעגט
דעם אָנהייב אָן אַן עק
אין סאַמע ברי פון שוואונג
זײַ גרייט און טו אַ שפּרונג
כל־זמן ס'איז דאָ נאָך צייט
צאָל אויס דעם אַדערויף
אין סאַמע ברען פון היינט
צום בראשית אָן שום סוף
No comments:
Post a Comment