דו זאָגסט, די צײַט איז קורץ כל זמן ס'איז גרויס די ווײַט,
נאָר טאָמער, זאָגסטו, קומסט, וועט סטײַען אונדז די צײַט.
נאָר טאָמער, זאָגסטו, קומסט, וועט סטײַען אונדז די צײַט.
איר פלינקייט ז'ניט קיין שטער ווי נאָר מיר זאַלבעצווייט
גרייט זענען שטעג־און־וועג פאַרוואַנדלען אין אַ בייט –
גרייט זענען שטעג־און־וועג פאַרוואַנדלען אין אַ בייט –
אויף איר אויסוואַקסן זאָל די שענסטע קווייט – די פרייד
צו זיין אינאיינעם גאָר, כסדר – רינג אין קייט,
צו זיין אינאיינעם גאָר, כסדר – רינג אין קייט,
בעת ליבע גלײַך אָן סוף די פליגל אירע שפּרייט...
דו רעדסט... פון דײַנע רייד פאַרשיכורט און צערדרייט,
דו רעדסט... פון דײַנע רייד פאַרשיכורט און צערדרייט,
דאָרט העט־העט אין דער ווייט פאַרבלייב איך ווי אין שטײַג,
שלינג האַסטיק אײַן דײַן קול און שווײַג, און שווײַג, און שווײַג
שלינג האַסטיק אײַן דײַן קול און שווײַג, און שווײַג, און שווײַג
