.
עפּעס דער שמייכל איז הײַנט ניט מיט אַלעמען,
זעלטן ווער טוט אים הײַנט ברייטהאַרציק זשאַלעווען,
בלויז וואו ניט וואו זיך דערהערט אַ כיכיקעניש –
כיטרעטשקע גענג זיך אַליין אויף צעפּיקעניש.
עפּעס דער שמייכל איז הײַנט ניט מיט אַלעמען,
זעלטן ווער טוט אים הײַנט ברייטהאַרציק זשאַלעווען,
בלויז וואו ניט וואו זיך דערהערט אַ כיכיקעניש –
כיטרעטשקע גענג זיך אַליין אויף צעפּיקעניש.
פּנימער כמורנע מיט זויערע תנועלעך,
פּריקרע הוויות פון גראָבינקע צנועלעך;
מערניט שיריים פון נעכטיקע שמייכעלעך –
עפּעס דער עסק איז היינט בלאַס און ווייטיקלעך...
פּריקרע הוויות פון גראָבינקע צנועלעך;
מערניט שיריים פון נעכטיקע שמייכעלעך –
עפּעס דער עסק איז היינט בלאַס און ווייטיקלעך...
פּלוצים די זון קוקט אַרויס פון די כמאַרעלעך,
טוט דיך אַ פרעג: וואָס זשמורעסט זיך, נאַרעלע?
ווערסט אויפגעריכט, שוין מער ניט קיין פאַרפאַלענער,
דער שמייכל ז׳צוריק מיט דיר ווי מיט אַלעמען
.
טוט דיך אַ פרעג: וואָס זשמורעסט זיך, נאַרעלע?
ווערסט אויפגעריכט, שוין מער ניט קיין פאַרפאַלענער,
דער שמייכל ז׳צוריק מיט דיר ווי מיט אַלעמען
.
