איך ווייס ס'איז דאָ אַן אַנדער וועלט
וואו דו וועסט זיין מיט מיר
וואו אַלץ וואָס ז'ניט געווען באַשערט
וועט זיין באַשערט אין איר
וואו דו וועסט זיין מיט מיר
וואו אַלץ וואָס ז'ניט געווען באַשערט
וועט זיין באַשערט אין איר
מיר ביידע וועלן בענטשן זי
מיט אַלץ וואָס ברויזט און קוועלט
און איך וועל אייביקן מיט דיר
אויף יענער שיינער וועלט
מיט אַלץ וואָס ברויזט און קוועלט
און איך וועל אייביקן מיט דיר
אויף יענער שיינער וועלט
איך ווייס ס'איז דאָ אַן אַנדער וועלט
וואו קומען כ׳וועל צו דיר
דו וועסט מיך גריסן אויפן שוועל,
און עפענען די טיר
וואו קומען כ׳וועל צו דיר
דו וועסט מיך גריסן אויפן שוועל,
און עפענען די טיר
און וועסט מיר זאָגן: זע ווי שיין
די וועלט איז – יונג און ברייט
און איך וועל זאָגן: מלא חן –
מיט אונדז דאָ זאַלבעצווייט
די וועלט איז – יונג און ברייט
און איך וועל זאָגן: מלא חן –
מיט אונדז דאָ זאַלבעצווייט
איך ווייס ס'איז דאָ אַן אַנדער וועלט
וואָס נעמט אונדז אויף מיט ליכט
זי'ט ציכטיק אָפּווישן די טרער
וואָס טויכט אויף דיין געזיכט
וואָס נעמט אונדז אויף מיט ליכט
זי'ט ציכטיק אָפּווישן די טרער
וואָס טויכט אויף דיין געזיכט
מיר וועלן גליקלעך בענטשן זי
מיט אַלץ וואָס זינגט און העלט
אין צווייען אייביקן אויף איר
אויף יענער שיינער וועלט
מיט אַלץ וואָס זינגט און העלט
אין צווייען אייביקן אויף איר
אויף יענער שיינער וועלט
No comments:
Post a Comment