Wednesday, March 24, 2010

טרויעריק לידל





:דו ברומסט זיך און ברומסט זיך אַ לידל כסדר
"דעם נאָקעטן קעניגס קויטיקע קליידער
וועל איך ניט אָנקוקן און כ'וויל זיי ניט זען
אַלע צו־להכעיסן אף על פּי כן

זאָלן זיי אַנדערע לויבן אין הימל
,די ברודיקע קליידער וואָס פוילן אין שימל
זאָל מען אין טרערן זיי וואַשן און שווענקען
."איך וועל שוין נאָך זיי מער קיינמאָל ניט בענקען

דער קעניג איז נאַקעט. איז טוסט אים פאַרגינען
.זיין הוילקייט, אַנטבלויזקייט, זיין באָרוועסן גאַנג
ער טוט אַל־דאָס זיכער גאַנץ כשר פאַרדינען
.נאָר פאָרט טוט זיין הוילקייט דיר באַנג

דו ברומסט זיך און ברומסט זיך אַ לידל און אַלץ
גייט דיר קאַפּויער כאָטש פאַרקוקסט שוין כסדר
...זיינע צעוואָרפענע, פאַרקויטיקטע קליידער
נאָר ס'וויינט איבער נאַקעטן קעניג דאָס האַרץ



Tuesday, March 09, 2010

ס'איז היינט אַזאַ מין טאָג, אַ ליכטיקער, אַ גרינגער




etoia




ס'איז היינט אַזאַ מין טאָג, אַ ליכטיקער, אַ גרינגער

און לופטיק ווערט די וואָג און דו אַליין ווערסט יינגער


און ס'דאַכט אַ נייער טראָט וועט טאָן אויף נייעם שטאַפּל

פון ברייטן וועלט־באַראָט זיין דרייסטן, ערשטן צאַפּל


די יאָרן פול מיט פרייד באַפרייען דיך פון ווייטיק

נאָר אַלץ וואָס טוט דיר וויי איז אויך געדענקען נייטיק


און אַלץ וואָס דיר געשען און אַלץ וואָס דיר געוואָרן

פאַרזיווגט מיט רעפריין פון גיכן גאַנג פון יאָרן


באַפליגלט זאָלסט זיין גרייט צו בענטשן וועלטס געפּילדער

ס'איז היינט אַ טאָג פון פרייד, אַ ליכטיקער, אַ מילדער

7-6 מערץ, 2010