וויאַזוי זעצט מען איבער אַ ליד
פאַר בנימין און באַרבאַראַ
וויאַזוי זעצט מען איבער אַ ליד
?פון אַן אַנדער, אַ פרעמד האַרץ
מ'נעמט אַ ווייסע פעדער
וואָס נאָך צאַפּלט מיט פלי
און מע באַשפּרענקלט עס
.מיט פּעך טיף שוואַרץ
,די פעדער – קלאָר ווייס
?און דער פּעך איז וואָס
ס'איז שוין איין מאָל
...שוואַרצער פון שוואַרץ
– נאָר דאָס פעדער טוט אירס
,קלאַנג נאָך קלאַנג
אות נאָך אות
ניט פאַרשוועכנדיק דעם לידס
האַרץ
און אַזוי זאָל דער פלי
פון אַ קלאָר זויבער ליד
ניט ווערן, חלילה, פאַרשוואַרצט
No comments:
Post a Comment