צען טריט פון דאַנען ברענט דער גיהנם,
טאָ וואָס זשע וואַרטסטו נאָך?
טאָ וואָס זשע וואַרטסטו נאָך?
זאָל ער זיך ברענען, אַבי ביי יענעם
זאָל זיין אַ גוטע וואָך.
זאָל זיין אַ גוטע וואָך.
צען מייל פון דאַנען בליט דער גן־עדן,
טאָ וואָס זשע זאַמסט זיך, וואָס?
טאָ וואָס זשע זאַמסט זיך, וואָס?
זאָל ער זיך בליען, אַבי אונדז ביידן
זאָל ער לויכטן אין יעדן אות.
זאָל ער לויכטן אין יעדן אות.
צען ווערסט פון דאַנען איז דיין היימשטאָט,
ניין, גראָד צען טויזנט ווערסט!..
ניין, גראָד צען טויזנט ווערסט!..
אַהינצו טאַקע – טאָג איין, טאָג אויסעט,
אַנטרינען וויל איך, – הערסט?..
אַנטרינען וויל איך, – הערסט?..
No comments:
Post a Comment