זיי מאָנען אַלץ וואָס איז "ניי" און אנדערש
נאָר מיט די זעלבע צוקערקעס און צאַצקעס ווי פריער
און צוליב דעם טראַמפּ און זיין ברודער סאַנדערס
גרייט זענען זיי צו רייסן קריעה
נאָר מיט די זעלבע צוקערקעס און צאַצקעס ווי פריער
און צוליב דעם טראַמפּ און זיין ברודער סאַנדערס
גרייט זענען זיי צו רייסן קריעה
דאַן כדי צו באַרואיקן די בייזע ווינטן
קילן זיי אָפּ די געמיטער די הייסע,
שרייען זיי: הילאַרי! הילאַרי קלינטאָן
וועט אונדז אַלעמען אויפשטעלן תחיית־המתים!
קילן זיי אָפּ די געמיטער די הייסע,
שרייען זיי: הילאַרי! הילאַרי קלינטאָן
וועט אונדז אַלעמען אויפשטעלן תחיית־המתים!
און אַנדערע זיפצן: ס'אַראַ וועלט ס'אַראַ בראַווע,
זי גייט נעבאַך אונטער און מיט אַ טראַסק מסתמא
מ'עט נאָך זיכער בענקען נאָך די טעג די זשוואַווע
ווען ס'האָט געפירט אונדז פאַרויס ר' באראק אָבאַמא
זי גייט נעבאַך אונטער און מיט אַ טראַסק מסתמא
מ'עט נאָך זיכער בענקען נאָך די טעג די זשוואַווע
ווען ס'האָט געפירט אונדז פאַרויס ר' באראק אָבאַמא
און איך וועל אייך זאָגן: דאָס רעדעלע דרייט זיך
און הגם יעדער דריי קאָסט אונדז טייער אוודאי
וועט מען פאָרט מיט גאטס הילף זיך געבן אַן עצה.
פרעגט איר: וואו? כ'ענטפער גלייך: מסתם אין קאַנאַדע!
און הגם יעדער דריי קאָסט אונדז טייער אוודאי
וועט מען פאָרט מיט גאטס הילף זיך געבן אַן עצה.
פרעגט איר: וואו? כ'ענטפער גלייך: מסתם אין קאַנאַדע!
No comments:
Post a Comment