באריס קארלאוו
גאָט אַליין באַשערט דיר מײַן יידיש ליד –
מאַכן ליכטיקער דײַן אינדערוואָכן,
צווישן יאָך וואָס מאַטערט, מידער פון מיד,
און דעם אומרו וואָס טוט אין דיר קאָכן.
גאָט אַליין ט׳באַשאַפן מיר דײַן געהער
מאַכן געראַמער מײַן איין־אַליינקייט,
כ'זאָל דערזען פונדערווײַטנס ווער איז ווער,
שעפּן טרייסט פון דײַן קלאָר־קלאָרער שיינקייט.
און ווען כ'רוף אַרויסעט: "ס'ניטאָ קיין גאָט,
ס'איז ניטאָ גאָר קיין יושר. אַלץ שימלט!.."
ווייסטו גוט, ס'ניט מער ווי אַ נאַרנשפּאָט
פון פאַרבאָרגענעם הימל וואָס דרימלט.
גאָט אַליין באַשענקט מיך מיט דיין געזיכט
כ'זאָל אין אים דערזען דײַן בליק און איר ליכט
.
No comments:
Post a Comment