די פייגל דאַוונען שחרית מלא־חן
אויף כּלערליי אופנים, ליכטיק קלאָר
מיט זייער זינג־געזאַנג די ליכט צעשפּרייט
די פליגל פון דערוואַכונגען קאַיאָר
אַ נייער טאָג איז ווי אַ נייער נס
און דער געזאַנג פון פייגל איז אַן אות
אַז וואונדערלעך ז'דער אָנקום פון מעת־לעת
ווי אַ באַנייטע אויסשפּראָצונג פון גראָז
און גלייבן ווילסט ס'עט תמיד זיין אַזוי
אַ פייגל תפילה אייביק קלינגען וועט
ווען צווישן שיין און אומשיין עטוואָס גרויט
דער דראַנג צו סאַמע פרי פון טיפער שפּעט
די פייגל טרעלן ווייטער, בענטשן טוי
דער יונגער אינדערפרי איז מער ניט גרוי
.
אויף כּלערליי אופנים, ליכטיק קלאָר
מיט זייער זינג־געזאַנג די ליכט צעשפּרייט
די פליגל פון דערוואַכונגען קאַיאָר
אַ נייער טאָג איז ווי אַ נייער נס
און דער געזאַנג פון פייגל איז אַן אות
אַז וואונדערלעך ז'דער אָנקום פון מעת־לעת
ווי אַ באַנייטע אויסשפּראָצונג פון גראָז
און גלייבן ווילסט ס'עט תמיד זיין אַזוי
אַ פייגל תפילה אייביק קלינגען וועט
ווען צווישן שיין און אומשיין עטוואָס גרויט
דער דראַנג צו סאַמע פרי פון טיפער שפּעט
די פייגל טרעלן ווייטער, בענטשן טוי
דער יונגער אינדערפרי איז מער ניט גרוי
.
No comments:
Post a Comment