וואָס דיר דאגות, ווען דיר דאגות? –
בעסער זינג מיט מיר צוזאַמען,
זינג דעם לעבעדיקן נײַגער
וואָס פון אים מיר ביידע שטאַמען.
בעסער זינג מיט מיר צוזאַמען,
זינג דעם לעבעדיקן נײַגער
וואָס פון אים מיר ביידע שטאַמען.
וואָס דיר עצבות, ווען דיר עצבות? –
בעסער טאַנץ מיט מיר אינאיינעם,
בינד צונויף מיט טויזנט דראַטוועס
אונדז די בענקענישן ריינע.
בעסער טאַנץ מיט מיר אינאיינעם,
בינד צונויף מיט טויזנט דראַטוועס
אונדז די בענקענישן ריינע.
לאָז דער אוראַלט־יונגער ניגון
שענקען דיר סײַ קראַפט סײַ לאַסקע,
יונגע לידער, נײַע פליגל,
דיר, מײַן לעבעדיקע בת־קול.
שענקען דיר סײַ קראַפט סײַ לאַסקע,
יונגע לידער, נײַע פליגל,
דיר, מײַן לעבעדיקע בת־קול.
No comments:
Post a Comment