קהלת אַ חכם בן מלך
דערצו א פּאָעט בן פּאָעט
אַלס יונג געווען זעלטן ווען פריילעך
אַלס זקן געלידלט ביז שפּעט
דערצו א פּאָעט בן פּאָעט
אַלס יונג געווען זעלטן ווען פריילעך
אַלס זקן געלידלט ביז שפּעט
באַזונגען פאַרגאַנגענע ליבעס
ווי טועם ר'זאָל זײַן אויף דער צונג
דעם זכר פון לוסטיקע זליוועס,
אין יעדערער זליווע – אַ טונק.
ווי טועם ר'זאָל זײַן אויף דער צונג
דעם זכר פון לוסטיקע זליוועס,
אין יעדערער זליווע – אַ טונק.
נאָר יונגערהייט האָט ער געדאגהט
צו גרויס איז די וועלט
ער – צו קליין
אַזוי ט'ער זיך דאַן אויסגעטענהט
מיט ביטער פאַרדראָס און... מיט חן:
צו גרויס איז די וועלט
ער – צו קליין
אַזוי ט'ער זיך דאַן אויסגעטענהט
מיט ביטער פאַרדראָס און... מיט חן:
אַז אַלץ ווערט פאַרוואַנדלט
אין בלאָטע
פון אַלץ ווערט אַ גאָרנישט מיט נישט
נאָר שפּעטער שוין, אָן שום חרטה,
פאַרזוכט ער – אַ קרעפּל, אַ קניש...
אין בלאָטע
פון אַלץ ווערט אַ גאָרנישט מיט נישט
נאָר שפּעטער שוין, אָן שום חרטה,
פאַרזוכט ער – אַ קרעפּל, אַ קניש...
דער דערוואַקסלינג ז'געקומען
צום שכל
דורך ליבע און לוסט ר'האָט דערקענט
אַז חכמה גראָד פּאָרט זיך מיט שמייכל
אַז צום שמייכל
די וועלט איז געווענדט.
צום שכל
דורך ליבע און לוסט ר'האָט דערקענט
אַז חכמה גראָד פּאָרט זיך מיט שמייכל
אַז צום שמייכל
די וועלט איז געווענדט.
אַ דיכטער, לאוו דווקא אַ נביא,
זײַן שפע – געזאַנג און גענאָד –
אַ דאנק דיר. קהלת בן דוד,
וואס אַנטדעקט האָסט
פון הבל דעם סוד
זײַן שפע – געזאַנג און גענאָד –
אַ דאנק דיר. קהלת בן דוד,
וואס אַנטדעקט האָסט
פון הבל דעם סוד
No comments:
Post a Comment