.
יעדן טאָג די זעלבע מעשה,
יעדן טאָג די זעלבע זאַך --
בינען זשומען, פליגן בייסן
און דערנאָך פאַלט צו די נאַכט
יעדן טאָג די זעלבע מעשה,
יעדן טאָג די זעלבע זאַך --
בינען זשומען, פליגן בייסן
און דערנאָך פאַלט צו די נאַכט
רויש פון טעג מיט לויזע נעכט און
פלי געפלי מיט זשומעריי --
מיט דער וואָר צונויף זיך פלעכטן
סיי מיט צוואַנג, סיי פראַנק־און־פריי
פלי געפלי מיט זשומעריי --
מיט דער וואָר צונויף זיך פלעכטן
סיי מיט צוואַנג, סיי פראַנק־און־פריי
און די בייסעניש פון פליגן
מיט דעם שטאָלצן בינען רויש
דיך פאַרכישופן, פאַרוויגן
קוים פון זיי דרייסטו זיך אויס
מיט דעם שטאָלצן בינען רויש
דיך פאַרכישופן, פאַרוויגן
קוים פון זיי דרייסטו זיך אויס
יעדן טאָג דער זעלבער עסק
מיט דעם זעלביקן געדריי
ערנסט, לעכערלעך און שווייסיק
שטראָמט טאָג טעגלעכקייט אַליין
מיט דעם זעלביקן געדריי
ערנסט, לעכערלעך און שווייסיק
שטראָמט טאָג טעגלעכקייט אַליין
נאָר וואָס דען זשע? דו פליסט ווייטער
טאָג נאָך טאָג פון מוטערטראַכט --
זשום מיט בייסעניש זיך בייטן
און דערנאָך פאַלט צו די נאַכט
טאָג נאָך טאָג פון מוטערטראַכט --
זשום מיט בייסעניש זיך בייטן
און דערנאָך פאַלט צו די נאַכט
