עס האָט געזאָגט דער
האַר פון ליד
צום קעניג
פון געזאַנג
"איך בין שוין אויסגעמאַטערט,
מיד
און ס'לויפט אַוועק
דער קלאַנג און פליט
אַוועק
אין לאַנד פון באַנג..."
דער קעניג האָט געזשומעט
שטיל
אָן ווערטער
און אָן צוואַנג
אַ וואונק געטאָן
צום האַר פון ליד
גלייך ער וואָלט זאָגן
"דו -- ביסט מיד --
צו פּראַווען
ווערטער פאַנג?!"
דער האַר דאַן זעצט
זיך אויפן דיל
גלייך
ער וואָלט שטיין זיין קראַנק
און זאָגט "עס
האַלט שוין שמאָל די שפיל,
נאָר לידלען וועל
איך פאָרט, דער ציל --
דערזינגען
הויך מיין דאַנק"
"נישטאָ פאַרוואָס"
דער קיניג זאָגט
"אַבי דו
האָסט דעם דראַנג"...
און ס'האָט דעם האַר
פיל מי געקאָסט
דאָך האָט ער אות באות
מיט מאָס
פאַרוועבט אין עכטן
קלאַנג.
פאַרוועבט אין עכטן קלאַנג.
No comments:
Post a Comment