מיר זיצן און וואַרטן...
אויף וועמען?
אויף אים ער זאָל קומען
אַהער.
איז וואָס זשע,
ער וועט דען
צונעמען
דעם ווייטאָג,
די פּיין,
דאָס געוויין?
.
מיר שטייען און וואַרטן...
אויף וועמען?
אויף איר זי זאָל קומען
צו־גיין.
איז וואָס זשע,
זי וועט דען
פאָרשעמען
די לעצטע
צעשטויבטקייט
פון שטיין?
.
ווי לאַנג קאָן מען
גלאַט אַזוי וואַרטן,
כ’פאַרשטיי ניט
פון דאַנען אַהין,
מיר זיצן,
מיר שטייען,
ס'ווערט האַרבער
דער אומזין
און זין
פון דעם דין.
.
No comments:
Post a Comment